Fri. Sep 18th, 2020

ግንቦት 20ን በድምቀት ለማክበር የታሰበ ነገር የለም ተባለ

የደርግ መንግስት ከስልጣን ተወግዶ ኢህአዴግ አገሪቱን የተቆጣጠረበትን የግንቦት 20 በዓል ዘንድሮ በፌዴራል ደረጃ በድምቀት ለማክበር አለመታሰቡንና በዓሉን በተመለከተ የወጣ ፕሮግራም እንደሌለ ምንጮች ለአዲስ አድማስ ተናገሩ፡፡

ዘንድሮ ለ28ኛ ጊዜ የሚከበረው የግንቦት 20 በዓል ባለፉት ዓመታት ከተለመደው በተለየ በተቀዛቀዘ ሁኔታ እንደሚከበርም ምንጮቹ ተናግረዋል፡፡ በዓሉ በፌዴራል ደረጃ ቀደም ሲል እንደሚደረገው በስታዲየም ወይም በህዝብ መሰብሰቢያ አደባባዮች ላይ በድምቀት ለማክበር አለመታሰቡንና በመንግስታዊ ተቋማት ውስጥ በጽዳት ዘመቻ፣ በፓናል ውይይትና በስብሰባዎች እንደሚከበር ተነግሯል፡፡ በበዓሉ እለት መንግስት መግለጫ ይሰጣል ተብሎ ይጠበቃል፡፡ በሌላ በኩል በዓሉ በትግራይ ክልል ግንቦት 20 እንደወትሮው በድምቀት የሚከበር ሲሆን ከወዲሁ ከበዓሉ ጋር የተያያዙ የተለያዩ ፕሮግራሞች እየተካሄዱ መሆናቸውም ታውቋል፡፡


%d bloggers like this: