Wed. Dec 11th, 2019

የከተሞች የአነስተኛ ሀይል ሙከራ ማመንጨ ስራ ከ3 ወር በኋላ ይጠናቀቃል

በብርሀን ለሁለም መርሀ ግብር በ12 ከተሞች እየተከናወነ የሚገኘው የአነስተኛ ሀይል ሙከራ ማመንጨ ስራ ከ3 ወር በኋላ እንደሚጠናቀቅ የውሃ መስኖ እና ኢነርጅ ሚኒስቴሩ ዶክተር ኢንጅነር ስለሽ በቀለ   ማስታወቃቸውን ፋና ብሮድ ካስት ዘግቧል፡፡

ሚኒስትሩ በ12 ከተሞች በዚህ መርሃ ግብር የተጀመረው ከዋናው የኤሌክትሪክ ቋት ውጭ ከታዳሽ ሀይል የኤሌክትሪክ ተጠቃሚ ለማድረግ እየተሰራ ያለው ስራ ውጤታማ የሚባል እና እስከ 3 ወር ባለው ጊዜ የሚጠናቀቅ መሆኑን ተናግረዋል።


መርሃ ግብሩ ሲጠናቀቅ ወደ 68 ሺህ ያህል ሰዎችን የኤሌክትሪክ ተጠቃሚ ያደርጋል ተብሎ ይጠበቃል ነው ያሉት፡፡

በተለያዩ የሀገሪቱ ክፍሎች እስካሁን የኤሌክትሪክ ተጠቃሚ ያልሆኑ ሌሎች 25 ከተሞች ደግሞ ስራቸውን ለማስጀመር የሚያስችል ቅድመ ዝግጅት እየተደረገ ነውብለዋል፡፡

በ5 ዓመት ውስጥ በሀገሪቱ የመብራት ሀይል ተደራሽ ያልሆነባቸውን ቦታዎች ተደራሽ በማድረግ ሁሉም የህብረተሰብ ክፍል የመብራት ሀይል ተጠቃሚ እንዲሆን የሚያስችለው መርሀ ግብር ይፋ ከተደረገ እና ስራ ከጀመረ 2 አመት ማስቆጠሩን አስታውሰዋል፡፡

በቀሪዎቹ 3 አመታትም አሁን በስራ ላይ ያሉትን እና ለወደፊቱ የታቀዱትን ለማከናወን በትኩረት እንደሚሰራ ነው የተናገሩት።

በአጠቃላይ ለብርሀን ለሁሉም መርሀ ግብር ተግባራዊነት ከ 4 ነጥብ 5 ቢሊየን ዶላር በላይ ወጪን እንደሚጠይቅም ሚኒስትሩ አስረድተዋል።

መስመር ተዘርግቶባቸው መብራት ያላገኙ አካባቢዎችንም በ2012 አመት በፍጥነት መብራት እንዲያገኙ ማድረግም ሌላኛው ትኩረት የተሰጠው ጉዳይ መሆኑን ጠቅሰዋል።

%d bloggers like this: