Sat. Oct 24th, 2020

ከ64 ቀናት በላይ የፈጀው የዓለማችን አስገራሚው ረጅሙ በረራ

በሃገረ አሜሪካ እ.አ.አ ከታህሳስ 4/1958 እስከ የካቲት 7/ 1959 ድረስ ከላስ ቬጋስ ተነስቶ በአሪዞና ግዛት ወደ ሜክሲኮ ድንበር ጫፍ ከ64 ቀናት በላይ የተደረገው በረራ የዓለማችን ረጅሙ በረራ በመሆን ተመዝግቧል፡፡

የዓለማችን ረጅም በረራ ተብሎ የተሰየመው የአውሮፕላን በረራ 240 ሺህ ኪሎሜትር ርቀትን ለማጠናቀቅ 64 ቀናት ከ22 ሰዓታት ብራይት ሳይድ ድረ-ገፅ አስነብቧል፡፡


አብራሪዎቹ በተለያዩ ጊዜያት ውስብስብ ችግሮች ቢያጋጥሟቸውም የዓለማችንን የበረራ ክብረወሰን ከመስበር አላገዳቸውም፡፡

ይሁንና ከ64 ቀናት በላይ ምድር ላይ ሳያርፍ በተጓዘው አውሮፕላን ውስጥ ያሉ ተሳፋሪዎች ምን እየተመገቡ፣ እየጠጡ፣ የት እየተኙ እንዲሁም ነዳጅ ከየት እየተጠቀሙ መብረር ቻሉ የሚሉ ጥያቄዎች መነሳታቸው አይቀሬ ነው፡፡

በዚህም አብራሪዎቹ ወደ ምድር በጣም በመቅረብ ነዳጅ ምግብና መጠጥ እንዲሁም አስፈላጊ ነገሮችን ከያዘ ተሽከርካሪ እየተቀበሉ መብረራቸው ተገልጿል፡፡

ሻወርና የመሳሰሉትን ነገሮችም በአውሮፕላኑ በር ላይ በተዘጋጀ ሰገነት ላይ ሲገለገሉ ነበር፡፡

በተለይ በእንቅልፍ እና ድካም የተነሳ የሚፈጠረውን ችግር ለመቋቋም አብራሪዎቹ በየ4 ሰዓታት ልዩነት በመቀያየር በረራውን ሲያደርጉ መቆየታቸውም ተገልጿል፡፡ በመጨረሻም አብራሪዎቹ በተደረገላቸው ቃለ-መጠይቅ በፈጸሙት አዲስ የበረራ ታሪክ ደስተኛ እንደነበሩ ገልጸዋል፡፡

%d bloggers like this: