Fri. Nov 22nd, 2019

ከ270 ሺህ በላይ ለሆኑ ወጣቶች የስራ እድል ለመፍጠር እየተሰራ ነው

ፈጠራ ለእድገት በሚል መሪ ቃል የኢኖቬሽን እና ቴክኖሎጂ ሚኒስቴር በኢትዮጵያ ከእስራኤል ኤምባሲ ጋር በመተባበር አውደ ጥናቱ ያዘጋጀው ሲሆን፡፡

የኢኖቬሽን እና ቴክኖሎጂ ሚኒስትር ዲኤታ አቶ ጀማል በከር በዚህ ወቅት እንዳሉት፥ ቴክኖሎጂን እና ፈጠራን ተደራሽ ለማድረግ መስራት ይገባል።


አያይዘውም ወጣቱ ከቴክኖሎጂ ጋር ካለው ቅርበት አንጻር በዘርፉ የስራ እድል የሚፈጥርባቸውን መንገዶች ማመቻቸት ይገባልም ነው ያሉት።

አሁን ላይ ከሃገሪቱ ጠቅላላ ምርት እድገት ውስጥ 0 ነጥብ 26 በመቶው ብቻ ለቴክኖሎጂ እና ፈጠራ ብቻ እንደሚውል ጠቅሰው፥ አሃዙ ዝቅተኛ ከመሆኑ አንጻር ጠንካራ ስራ መስራት እንደሚገባም አንስተዋል።

በዘርፉ ለወጣቱ የስራ እድል ፈጠራ የሚረዱና ውስን ስራዎችን በህግ ማዕቀፍ መደገፍ እንደሚገባ ጠቅሰው፥ ወጣቱን ተጠቃሚ ለማድረግ ተሞክሮዎች ከሃገራት እየተወሰዱ መሆኑንም ገልጸዋል።

ቴክሎጂና ፈጠራን በማስቀጠልም ሃገር በቀል የኢኮኖሚ ማሻሻያ መደገፍ እንደሚገባም ተናግረዋል።

ሚኒስቴሩ በቀጣይ ከ270 ሺህ በላይ ለሆኑ ወጣቶች በዘርፉ የስራ እድል ለመፍጠር እየሰራ መሆኑም በዚህ ወቅት ተገልጿል።

በአውደ ጥናት የሌሎች ሃገራትን ተሞክሮ በመውሰድ መጠቀም የሚቻልበትን አግባብ ለመፍጠር እንደሚያግዝ ታምኖበታል።

በአውደ ጥናቱ ላይ የተመድ የልማት ድርጅትን ጨምሮ ሌሎች ባለ ድርሻ አካላት ተሳትፈዋል።

%d bloggers like this: