Wed. Dec 11th, 2019

በሳውዲ ዓረቢያና ኳታር ለስራ ለሚሄዱ ኢትዮጵያውያን ከ1200 ሪያል ጀምሮ እንዲከፈላቸው ተወሰነ

ወደሳዑዲ ዓረቢያና ኳታር ለሚሄዱና የቤት ስራዎችን ብቻ ለሚያከናውኑ ሰራተኞች 1200 ሪያል፣ እንዲሁም እንክብካቤ ላይ ለሚሰማሩ ሰራተኞች 1300 የኳታር ሪያል እንዲከፈል ከስምምነት ላይ መደረሱ ተነገረ፡፡
የሰራተኛና ማህበራዊ ጉዳይ ሚኒስትር ዶ/ር ኤርጎጌ ተስፋዬ ለጋዜጠኞች በሰጡት መግለጫ፣ ከሳዑዲ ዓረቢያና ኳታር ጋር በሰራተኞች ዝቅተኛ የክፍያ መጠን ላይ መስማማታቸውን ተናግረዋል፡፡ ሚኒስትሯ ከሳውዲ የሰራተኛና ማህበራዊ ልማት ሚኒስትር አህመድ ቢን ሱሌይማን አልራጅሂ (ኢንጅነር) ጋር ሳዑዲ ላይ በጉዳዩ ላይ በዚህ ሳምንት ተወያይተው እንደነበር ይታወሳል፡፡
ወደዓረብ ሃገራት የሚደረግ ህገ ወጥ ጉዞ ከቀን ወደ ቀን እየጨመረ መምጣቱን ያነሱት ሚኒስትሯ ይህን ህገወጥ ጉዞ ለማስቀረትና ህጋዊ የስራ ስምሪትን ለመዘርጋት ሲሰራ መቆየቱንም አብራርተዋል፡፡
በህገወጥ መንገድ ወደ ዓረብ ሀገራት የሚጓዙ ሰዎችን ለመቆጣጠር የሚያስችል ከተለያዩ ተቋማት የተውጣጣ ብሄራዊ ግብረ ሀይል ተቋቁሞ ወደ ስራ መግባቱንም ሚኒስትሯ በመግለጫቸው ተናግረዋል፡፡

Leave a Reply

Your email address will not be published. Required fields are marked *

%d bloggers like this: